اي والله ان شوفته تستاهل عنادي
اللي عشانه تركت الدار والغربة ..,,!!
ما أقول لك ان شوفته نستني بلادي
لكنها يا ولد ، نستني الغربه ..,,!!
كل ما تطري علي فكرة هواك الأولاني
أشعر اني أنطعن مليون مره من يدينه
أشعر ان عيونك الله ما خلقها الا عشاني
كيف كانت تبتسم له ؟! قولي انك تخدعينه !!
أغليه .. وأخافه .. وأحبه .. وأداريه
وأخاف لا أفقد دهشتي في اكتشافه
على كثر ما أبيه وأتعب وآنا أبيه
ما قد شكيت لغيمته من جفافه
الشعر والليل وبياض السحابه
والضحك والحظ الردي والمعاناه
كلش يذكرني بوقتٍ غدا به
يا وين برمي هالجسد فيه وأنساه !
من كثر ما أحب وأكره عنك وآصونك
أصبحت دفتر مشاعر , وانت مضموني
ان غبت عني شعرت بلذة طعونك
وان شفت زولك شعرت بقيمة عيوني
انت لا من غبت حتى مرايتك صارت حزينه
كيف ما تبغاني أحزن وانت لي حظ ونصيب!
من علم الحزن يعبث في ملامحنا
من علم الموج يرحل عن موانينا
لو صار من خطا يا وقت سامحنا
حرام هاللي تسوي يا زمن فينا : (
لو ما به الا الأرض من تحت أقدامك
لأبوس أثرك اللي على الأرض وآكنه
وشلون ما أبوس أنا الأرض قدامك
وانتِ تحت أقدامك الخير والجنة
يا صاحبي لا تجي وتقول لي قالوا
لو قلــت ما قلت غير الله يجازيهم
لا شفت بعض الأوادم للردى مالوا
نفضتهم من عيوني قبل أخليهم
صباح الخير والبال الطويل الهادي الرايق
صباح الشارع اللي تزهر وروده على شانك
من لسانك صباح النور تشرح خاطر الضايق
وش أحلى من صباح النور لا صارت من لسانك !
بصوته ، شقاوته ، مزحه ، طبعه الهادي
يملا علــي الفضــا .. من شرقــه لغربــه
لا الوقت وقتك ولا لك شي في بالي
أنا نسيتك مثل ما كنت ناسيني
ياما تمنيت نظرة منك في حالي
ياما تمنيت صوتك لو يناديني
وأقول لا اظلم علي الليل بلحالي
الله يجيبه يشتت غربة سنيني
في الذاكرة ريحة زهور ميتة
وأشياء كثيرة صارت مدري وينها
طفلٍ يشيل العيد في طاقيته
وأمٍ تخش الدمع عن طفلينها
ورفيق عمر الوقت شح بجيته
وبنت قسمت القلب بيني وبينها
كل الصباحات ما تكمل بلا شوفك
إصحى وخل الصبح بشوفتك يكمل
صباح قلبك ، شعورك ، ضحكتك ، خوفك
صباح لمسة يديك ، ووجهك الأجمل
حبي لها لو أدري ان فيه مخلوق
قد حب مثله قلت : " يا للغرابة "
هالآدمي من وين له قلب وعروق !
والصبر هالمسكين من وين جابه ؟
اليوم ما يبدأ بعد طلعة الشمس
يبدأ معك واذا انتهى ينتهي فيك
ياللي ورى جفونك بدا وانتهى أمس
اصحى ، بنبدأ يومنا الله يخليك
إن كان هذا زعل علمها يالغالي
ماكان قصدي ورب البيت أزعلها
علمها ولي يخلي قلبك الخالي
عن ضيقتي وين وصلت من تجاهلها
~~~
قطعت لأجل أوصلك ما لا أطيقه
جيت ولقيتك بالردى تحتريني
خذلتني وان كان تبغى الحقيقه
ياليتنا من حجنا سالميني
وأحلم بطفلٍ صغير ينام فـ أحضاني
لا رحت أعود وآنا مشتاق و أضمه
قطعة من البدر فيه الملح رباني
ويقول ميدي يبه ويقول لك يمه
أكيد أنا كنت السبب في غيابك
جاهل وأحسب ان الكرامة تحدي
لكن وعد لو ربي اليوم جابك
لأوقف معك ونكون أنا وانت ضدي
فوق سفح أو تحت سقف أو بين ناس أو خلف سور
انت قلي وين بس ألقاك فيه وما عليك
يا رب ، أنا عبدك على وعدك ما دامي أستطيع
ماضٍ علي حكمك , وعدلٍ يا الهي قضاك
يا كم دعاك انسان ضاق بعينه الكون الوسيع
وبرحمتك في ظرف رمشة عين تعطي من دعاك
أسألك لي ولوالديني وأمة محمد جميع
عفوك ، فإن لم تعفو عن عبدك فمن يعفو سواك !
بيني وبين النوم حرب وعداوه
اليوم ثالث يوم ما طب عيني
يا نوم تكفى مر جفني وخاوه
ياخي حرام اللي تسويه فيني
الفجر همس وعصافير وطمأنينه
ذكرني بصوتك العذب وسواليفك
يا فجر عمري صباح الحب وسنينه
يا رب دايم صباحاتك على كيفك
طفلٍ زرع من ضحكتك في خياله
لين أثمرت شعرٍ هزاله حراير
لا تتركينه في غيابك لحاله
بالله شوفي كيف هالطفل صاير
وحده بوحدة كان عندك عداله
تبطلي غيبه , وأبطل زقاير
يا رفيف الماء ، وفجر العيد , وأحزان المواني
يا اكثر أهل الأرض طيبة قلب ، وأسرار دفينة
المكان اللي هنا مليان ضحكات , وأغاني
والكلام اللي بغيت أقول يحتاج لسكينه
شوفي الركن البعيد هناك ، كنه صدر حاني
هذا هو اللي يليق بـ شاعر وبنتٍ حزينة
هذي اللي كنت أسمعها الجديد
من سنين الزهو وأيام البياض
قبل أعرف أهل الصحافة والقصيد
و قبل أعرف دروب خالين الوفاض
هذي هي الحب الأول والأكيد
ايه طبعاً ، في أجل غير الرياض
مثل ما أكره فكرة انه واحدٍ ياخذ مكاني
ما أقدر أجلس في مكان انسان كنتي تعشقينه
الناس تشره على الدمعة اذا طاحت
وآنا أقول الفخر لا طاحت الدمعة
مهيب دمعة خضوع لحاجةٍ راحت
دمعة خشوعك بعد تكبيرة الجمعة
من بغى الفرقا لقى له عذر وأسباب ودليل
خل عنك العذر والأسباب دام الحب ضاع
كان ودك بالفراق .. ابشر عسى عمرك طويل
لا تردد وانت لك كلمه ولك أمرٍ مطاع
كنت أشوف الناس مثلي كل ما جعت وضميت
ما دريت ان الأوادم ناس فوق وناس تحت ,!
يا أكثر الناس طيبه جيت في وقتك
شف كيف وجهي شحب لونه من أسبابك
هذي سواتي من أول يوم فارقتك
ألوم نفسي .. وأدور عذر لغيابك
تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمه ليم أحس بليلك الظافي
تعال , وش فيك خايف! انت ناسيني؟
قطعت صوتي عليك وطال ميقافي
حتى بديت أشعر أن الحب معميني
وان انت حلم عثى فيني وآنا غافي !
البنت هذي ضعت واحترت معها
تموت في شعري وآنا أموت فيها
لبى قساوتها ولبى دلعها
والله يسامحها ويرضى عليها
ما عاد تشفع ريحة الورد للورد
وما عاد تغري فرحة العيد بالعيد
العام مر ومرت أيامه الشرد
والشمع عيا ينحني للزغاريد !
صباح العذر لو طال الغياب وطالت ظروفي
صباح الطيبة اللي فـ عيونك كل ما جيتك
بقى يومين بإذن الله ويقفي همي وخوفي
وعسى الله ما يخليني بعدها ان كان خليتك
لا تطيع الهم لو همك كبير
قل لهمك لو كبر لي رب أكبر
بالصلاة يهون كل أمر عسير
يكفي انك تبتدي بالله أكبر
أتخيلك وسط فستان ومعه طرحه
وآقول يا حظ من هو جنبك ببشته
بيكون هو يومها ميت من الفرحه
وبموت مع حلمي اللي مات ما عشته
ان كنت ناوي تسافر لا تودعني
بس انتبه : لا تسافر قبل ما أشوفك
هيه.. وين أنت ياللي كان مافيه غيره
يفهم اللي أقوله قبل حتى لا أقول
رحت أدور حبيب مثلك أبغى أستشيره
وأثر ماكل زول يتعوض بـ (زول) ,!
**
طرد المقفي مثل طرد العذاريب
وأنا تعبت أبلع مشاريه الأعراب
أما تعالي وأقطعي دابر الريب
والا إنسي إني كنت أنا وإنتي أحباب
لو يعرف الورد من جبته عشانه
كان قبل أشريه يسبقني عليك
ألف بسم الله على مترف زمانه
المرض مثله مثل غيره يبيك
والمرض معذور لوني في مكانه
كان أخلي كل هالعالم وأجيك
دعوه من القلب هي أعز ما أملك
من قلب صادق في ظهر الغيب يدعي لك
مدري علام الرياض اليوم مرتبكه
كن القلق ينتثر فيها ويجمعها
ما كنها ألا عروس ليلة الشبكة
كل ما ذبحها الخجل عضت أصابعها
أو كنها طفلة لهروجها حبكه
تضحك لأ بوها و أبوها ما يدلعها
من كثر ما كان طيفك دايم قبالي
أحيا ن أحسك معي وتضمه إيديني
ولا من تنبهت لي وجيه عذالي
كل على باله يسميني
جيت في ليلة وداعه تايه بين البيوت
وصحت:"وينك ؟! اوادع عمري الي ضاع فيك
ما سمعت الا صدى صوته وكأن آرق صوت
ينطق إسمي ثم يهمس "من متى وإنا أحتريك؟!"
الله يسلم يدين الجرح والفرقى
ويسعد صباح الخطا والشك والغيره
يوم أبعدتني قبل لا أقاسم الورقا
لحن الرحيل ومذاق الحزن والحيره
يا بنت يا أم الضحكه أم المعاطيب
لا ماك ذنب وشاعرك مابعد تاب
مرت ثلاث سنين يا أغلى الرعابيب
والريح تشكي للشبابيك والباب
مرت ثلاث سنين بين المراقيب
عديتها يا بنت مرقاب مرقاب
الكرم ماصار في هيل وذبايح
الكرم في البذل قدر الإستطاعة
ياعرب ياناس يا كبر الفضايح
كم لكم أخوان قد ماتوا مجاعه؟!
اليوم صوت الريح مابشر بخير
لا الناس ناس ولا المشاعر مشاعر
الشمس وغصون الشجر والعصافير
تبكي ووجه الأرض بالهم واعر
تطمنوا ماصار في الوضع تغيير
أظن بس البارحه مات شاعر
رفيقي اللي يقبل ان صدوا الناس
اذا أقبلوا ما أقابله مثل غيره
هذا هو اللي رفقته ترفع الراس
فخري وذخري في الأمور العسيره
كم تزاعلنا .. وكل ينتظر دمح الخطايا
ثم سكتنا .. والزعل من بيننا مثل الرهان
لين ما تنهي زعلنا ضحكة بين الشفايا
ضحكة غابت ولكن شانها ما زال شان !
يوم شارف ليلي الموحش على ترك الحياة
كانت الدنيا ترد الروح للشمس البعيده
والبحر كانت عيونه غارقه فـ الذكريات
وكنت أنا جالس على حد الزمان أكتب قصيده
يا رب .!
ياللي مالنا غيره ولا ندعي سواه
علمتنا ما نعلم وتعلم بما لا نعلمه
انت الغني عن من طغى وانت المجيب لمن دعاه
نسألك يا كاشف متاهات النفوس المبهمة
تكشف عن أمراض البشر وتفك كل من عناه
وتكفينا شر أهل الحسد وأهل الوجيه المظلمة !
ما كان موعد وأعذرك لو يفوتك
أنا انتظرت العمر كله عشانك
بستعير الليل لا منه هدا
ورعشة الورد لا بله ندى
ووحشة الصوت لا اجتاح المدى
ولهفة أصوات الحبايب للصدى
والكلام اللي نسيت
والكلام اللي جمعته واستحيت
والكلام اللي نسيت اني نسيته
وكل ما في الأرض هذي ما عدا ..
ما لا يليق بقلبك
عشان أقول ( أحبّك ) ,!
هذا مسافر بكره وذاك سافر
وهذا وليف ودعوه المواليف
لو كان في فصول السنة فصل كافر
عز الله ان الإسم لايق على الصيف
اللي تركني وآنا في عز غربالي
بعد الشدايد وش اللي ذكره فيني
يبغى زمانه يعود ويرجع الغالي
وشلون يرجع بعد ما طاح من عيني !
لا الوقت وقته ولا له شي في بالي
أنا نسيته مثل ما كان ناسيني
في عيونك سالفة جرح وحزن
وارتباك ودمعة وحيره وآه
يكذبون أهل القوافي والوزن
دمعتك أعظم قصيده في الحياة
يا غايبه وان كان فيها جماله
تجملي يا ام الحلا والظفاير
بالله شوفي صاحبك كيف حاله
شوفيه في غيبتك وشلون صاير
~~~~
يا من شكى البعد والغربه
غربتك في البعد عن ربك
الضيق والهم والكربة
وظروفك اللي تلاعب بك
واللي تحسه وتشعر به
يمكن عشان الله يحبك
جزاه سجدة على تربة
سواك من طينها وصبك
حزين !
حزين بس وتكتفي !
قل وجه غارق فـ الحزن
قل عشر أصابع ترتعش
قل آدمي مثل السراب
صوته اذا مر .. مر بلا حروف
وتقول عن حالي حزين ؟!
حزين بس !
حزين بس .. وتكتفي ؟!
قل كان قطعة من فرح وأصبح حزين
حزين حييييييل ومنطفي
يا سقى الله قبل أسافر عنك يالدار الثمينه
يوم أنا طفل يشوف عيوب جدرانك مزايا
يوم آنا طفل يمر اليوم ما شاف الغبينه
الضحى وسط المدارس والشفق بين المطايا
أدري طواها التعب لكن سلامتها
يا عنك قلب المرض ما فيه حنيه
من كثر ما خانها في عز نومتها
لا قيل نامي تقول النوم مو ليه
ما أشوف بين أفعالك وكلمتك ربط
احتار قلبي معك واحترت أنا فيه
ما عاد يدري وش تبي منه بالضبط
وآنا ما عاد أدري وش اللي أسويه !
شريت لك من باكر العمر كله
وكتبت باسمك خارطة ذكرياتي
أنا حياتي لغز واللغز حله
اني أحبك ما بقى من حياتي
المسألة ماهي على لبسنا حكر
يا كم غطا يكشف لنا عن خطايا
المسألة يا ديرتي مسألة فكر
نبقى بدون الفكر ناس عرايا
/
يا مجتمع يفرض علينا سياجه
ما عاد فينا انسان قادر على الحب
الدين حاجة / والتقاليد حاجة
عذراً يا أرباب الوصاية : لنا رب
مرضاة ربي يا يمه ثم مرضاتك
هذي علومي فديت دعاك وعلومك
يا جعل ربي يحقق كل دعواتك
الا دعاتك : جعل يومي قبل يومك
ماني بحاجة مواقف .. بس أنا بحاجة رفيق
الرفيق ان صار جنبك هون الضيقه عليك
وانت ما قصرت ياللي كل مالدنيا تضيق
أرمي الضيقه ورايه وأترك الدنيا وأجيك
يا قلب طالت قسوتك وانت لين
في قسوتك يا قلب ويش انت لاقي
اللي تعدى عمر ماهوب هين
والعالم الله كم من العمر باقي
يمكن يطول ويمكن اليوم أعين
موتي, ويبكون الحبايب فراقي
وش عاد أسوي وسط قبري وأزين
لا جفت عيون وعروق وسواقي
لا عاد به فرصة عشان أتحين
ولا عاد به زفرة وأفك اختناقي
باكر وكل اللي سترته يبين
وآنا على هالحال يائس وهاقي
مدري متى يهديني الله وأدين
وأكف عن بعض المشاوير ساقي : (
لا تشبه الا نفسك
واياك تنكر أمسك
وآنا أوعدك في يوم
{ الأرض تسمع همسك } ,!
كل ما عشمت قلبي
قال يا ضلوعي تقوي
ورحت أنا وياه نرقب
رجعة اللي فاقدينه
نوب أقول :
إليا رجع بأكون في قمة هدوّي
ونوب أقول :
إلا بأزعل وأتلى ما بيني وبينه
انت ياللي وجهك أشبه بالصباح
فال خير وطيبة وطهر وقبول
استعن بالله وابشر بالنجاح
كلها كم يوم والشدة تزول
أتعبتني عيوني قد ما هي بصيرة : (
وأتعبتها يديني قد ماهي جفول
قلت خيره ولكن وينها ووين خيره
لا عيوني تكف ولا يديني تنول
تصبح على رحمة من الله وتمسي
أغلى هدية دعوة الأخ لأخوه
أدعي لك الله مثل ما ادعي لنفسي
من حبه الله كل هالناس حبوه
حاولت أذاكر بس وشلون أذاكر !
أقرا ووجهك بالكتب ينرسم لي
يا قلبي المشتاق قص التذاكر
مشتاق أشوف عيونها تبتسم لي : )
كل ما طابت هجوسي رحت أسولف للزوايا
عن فتاة كان يملا صوتها صمت المكان
عن فتاة غير كل اللي قرينا في الحكايا
صمتها طيش وقصيد وطيشها صمت وأمان
باقي فيها من اللي في طفولتها بقايا
شيطنة ضحك وسوالف .. رقة شعور وحنان
ياللي تقول الدار داري وتختال
ما شفت جده كيف لا روح عصير
تبغى الصراحة كلمة الحق تنقال
جده بحرها غير وجروحها غير
صباحك ألطف من بحر جده
صباحك أجمل من سواحلها
فاقد صباح الخير من مده
ان كنت تبغى الخير لي .. قلها
اي والله أذكر عيونك يوم أطالعها
اقرا بها انشودة كنا نغنيها
كانت تروح وتهج البال وأتبعها
تاخذ عيوني من الحزن وتوديها
لأيام كنت أرمي بدنياي وأجدعها
أيام ما كنت أكحلها ولا أعميها
الأحد أغسطس 04, 2013 8:28 pm من طرف 
| مٍڛآھٍمٍآٺۑ~